|
SubscriptionsSites I Read
|
|
|
|
| 嘻, 琴日去咗睇"Yahoo! 亞洲搜尋人氣大獎2009"
呢個show有好多林峯fans都想去睇架, 好好彩今次可以去睇XD"
今次第4次見林峯, 第3次見謝天華, 第2次見容祖兒, 第1次見柴九哥~~
琴日原本跟FF拎既Yahoo門票名單要12點先公佈, 不過都未見有份~就打消念頭夜晚出去啦~
但係晏晝既時候, 阿姨叫我出去荃灣"寫大字" 結果2點鐘就搭車出去囉~
行到蒙恩既時候見到67M, 即刻以極速跑過去巴士站~好彩比我趕到..
出到荃灣見到呀姨, 就一齊行去citywalk度食甜品~
好耐都無去滿記食啦, 我嗌咗個杏仁茶配黑糯米, 呀姨就嗌咗個榴槤忘返
平時都唔係點食榴槤, 但係試咗一啖之後覺得真係好好味..收得貴係岩既!!XD"
之後上呀姨屋企開始寫大字, 好耐都無試過練字啦我..
整到大慨5點幾既時候, 突然FF既Joan打黎問我得唔得閒去夜晚既頒獎禮..
我梗係話去啦~ 真係好呀..原本真係以為無得去
但係約咗個集合時間係7點9, 但係我7點1先喺葵涌走= ="
結果我走去搭紅色小巴, 飛快地2個字出到油麻地~
跟著轉搭地鐵過灣仔..好罕有地嗰架地鐵係無咩人囧"
去到灣仔入境事務大樓, 都只不過係7點41..跟著就極速咁行去港灣道入口
到門口既時候, 真係唔知邊個打邊個, 因為實在太多既fans club集合= ="
好彩到最後我認得Joan, 又多謝詠珊一直幫我打一個唔通既電話..
Joan好好人呀, 入場既途中一直同我傾計=] 我地仲笑大會個牌寫住"往演唱會"
結果就順利入場啦 我個位唔係fans club嗰邊既位~
反而我仲喺台既中間XD"不過坐到好後, 第L行
不過....
8點4左右一開show, 我就搬咗去坐前排
由L行坐到F行, (咦, 岩岩係林峯LF既簡寫播XD) 都係台既中間
雖然第6行, 但係仲有前面好幾行既嘉賓席, 所以都唔算最前
成晚有好多獎頒呀, 見到好多artistes, 張家輝, 鄭元暢, 林依晨, 呀sa, 基仔, 鄭融, 周柏豪, william, 泳兒等
大約9點3, MC話頒人氣電視歌曲大獎, 我同埋FF既人就話會唔會係菊姐既宮心計= ="
但係一聽到<值得流淚>既opening~我地就大嗌啦
無錯, 就係到林峯出場啦~!! 
當頒完呢個獎之後, 丘凱敏就話呀峯仲有個獎, 唔駛多謝住~
咁睇完段片之後, 呀峯就係度講多謝既說話
講完之後, Amigo就話"林峯梗係有號召力啦, 開演唱會, 一開就爆滿啦, 黎緊1月又喺澳門開啦, 仲唔係有號召力??"
呀峯就好搞笑咁講"係呀, 希望大家到時會到啦!!"即時引起我地fans既起閧呀!!XD"
講完感言之後, 就開始唱<值得流淚>啦, 我都係第2次聽live..
其中有個字呀峯唱錯咗, 自己都笑
呀峯唱完之後, 個show就一直做到夜晚11點到~
差唔多尾段SS501出場, 佢地d fans好恐怖, 行晒去個圍欄既後面瘋狂大嗌= ="
好在我係圍欄既前面, 視線唔駛完全被覆蓋晒XD"
完場後就搭巴士番屋企啦!!
| | |
| 今日係林峯(呀峯)生日既大日子!!
HAPPY BIRTHDAY TO FUNG=]
今日去唔到金鐘同你講生日快樂..it's my pity..
祝福既說話已經喺好多度打過好多次~不過祝福無人嫌多既!!
btw, 最希望係呀峯身體健康, 咁先有更多作品比我睇, 比我追= ="XD"
來年繼續good show, 賺多d$!!
| | |
| 好開心呀!! 1來我係為我完成咗一份接近5000字既"論文"!!
睇番print出黎既report..更加有說不出的感受!!!=]
另外開心既係..今日既某d巴士車身會見到有林峯既澳門站峯情無限演唱會廣告!!
今次主辦單位真係好落重本做宣傳~
Facebook啦, MSN啦, 而家仲有香港既巴士都放廣告..
回想6月呀峯既演唱會, 頂多都係巴士站同紅隧賣吓廣告~~
我見到都要"呀!"1聲..
突然好想走去買飛過澳門睇~不過d位好後= ="
鬼咩, 開售嗰日已經賣咗好多靚位啦~haha
 
| | |
| 我從來都唔覺得~11月係咁難過..
難過既意思唔係講自己, 而係日子..
1日好似好快就過~但係其實到11月尾先發覺仲有好多野都未做~
而呢d野就係12月4號之前務必要交到~
先唔計d discussion, project開會, 做prepare等等既野
整係term paper要交出唔知幾多個字(at least 1500 最多10000字)已經夠佔得多時間~仲要係唔只1樣係咁~
中文既閱讀報告已經叫好啦, 早1個星期交咗= ="但係仲有BUS, INL呢
而我呢d..通常以電視為首既人= ="實在幾痛苦吓囧!我決定..睇埋呢個星期宮心計就唔再睇!!(住)
所以~點解我唔早d做呢囧囧囧囧囧!!
最近見到好多新既校巴, 好鬼靚!!今日見到2個女生趴係窗邊望風景~
以前我都鍾意咁樣睇風景~不過原來又出面睇架車, 都覺得幾搞笑XD"架車行緊好似走馬燈咁
同埋屋企留下既lobby開始整燈飾..早幾日一出lift見到聖誕樹:"咦, 今年聖誕樹矮咗既??2米幾高既樹去咗邊??"
之後番屋企途中見到出面大閘:"喔, 原來2米幾高既放咗出面..."
以往都係tmtp用完既decorations, 先會send去其他同屋苑..但係今年竟然內外total有6棵, amazing!
haha~發完up瘋, 繼續我既work
順便祝願阿峯喺美國既演唱會good show啦!!26號同28號~
25/11 end up here..
| | |
| 縱使昨日係鬼咁忙..不過到夜晚睇完場show都覺得值架!!
由6點鐘係圖書館走~趕頭趕命就去搭車過海..
又再一次體驗到香港人的忙碌, 生活節奏的急速~= ="(香港站→中環站)
自從上個星期一之後, 又再發現我原來我耐都未過對海orz, 由入西鐵仲喺屯門, 一出已經係灣仔..
不過...我下次都係會揀番搭巴士..就算要我比貴d~
ha~今次係我第1次見林丹XD", 仲有林曉峰, 馬浚偉, 仲有1個女星(唔知咩名= ="坐喺前面嗰行)
當然唔少得既仲有林公子啦~今次佢著套運動裝出現~逗留咗10多分鐘就走啦..
佢應該係要趕飛機掛..今日要飛去溫哥華..
但係佢一出黎d觀眾已經拍爛手掌啦XD, 呵呵~
其實琴日有好多人姓林, 淨係mc介紹人出場已經起碼有4個囉~
不過最矚目既應該都係super丹+謝杏芳打雙打~好出色!!~原本心情唔係咁好既佢, 後尾都玩吓啦~
同陳金單打既時候, 一路打一路轉場, 又換球拍, 最後仲猜"包剪dup"黎分勝負~
咁難得黎睇羽毛球events..好開心~
多謝呀儀要特登食晏時間去買飛~又幫我買咗件蘋果批醫肚, 琴日都餓咗好耐= ="
好在琴日都捱到眼瞓~因為傾project嗰陣已經好鬼眼瞓~
test緊既時候又唔舒服, 初時以為係碗粉有問題~
但係我發現test完之後都無事..緊張過度= ="
test都咁樣, 考試點算??
| | |
|
